ایک امریکی لائبریری میں رکھی کتاب سے 72 سال پرانی شادی کی تصویر ملی جسے جوڑے کو تلاش کرنے کے بعد واپس کردیا گیا۔
امریکی ریاست مشی گن کی اسٹرلنگ ہائیٹس پبلک لائبریری میں ایک رضاکار نے 1953 کی شادی کی تصاویر سے بھری ایک کتاب چیک کرتے ہوئے اس میں ایک 72 سال پرانی شادی کی ایک تصویر دریافت کی۔
چندہ شدہ کتاب کو چیک کرتے وقت لائبریری کے رضاکار نے یہ پرانی شادی کی تصویر کتاب میں محفوظ دیکھی جس کے پشت پر لکھا تھا فرینک اینڈ جوزیفین رگریلو۔
لائبریری انتظامیہ نے فیس بک پر یہ تصویر شیئر کی جسے کئی دن بعد سارہ رگوريلو نے دیکھا جو ان کے دادا فرینک اور دادی جوزیفین کی شادی کی تھی۔
سارہ نے بتایا کہ دادا دادی 26 ستمبر 1953 کو ڈیٹرائٹ میں شادی کے بندھن میں بندھے تھے۔ یہ تصویر دیکھ کر ہمیں لگ رہا ہے جیسے ہم نے ان کی زندگی کا یہ عکس کبھی نہیں دیکھا۔
سارہ نے بتایا کہ اس تصویر کو وہ اپنے گھر کی دیوار پر سجانے کا منصوبہ رکھتی ہیں، خاص طور پر چونکہ وہ اپنے دادا دادی کے بہت نزدیک تھیں۔
