تحقیق سے ثابت ہوا ہے کہ ورزش آنتوں کے کینسر کے مریضوں کی بچنے کی شرح میں اضافہ کر سکتی ہے۔
ماہرین کا کہنا ہے ورزش نہ صرف اس مرض کے بعد بلکہ تشخیص سے پہلے بھی مجموعی خطرات کو نمایاں طور پر کم کردیتی ہے۔
ہارورڈ میڈیکل اسکول اور جرنل آف کلینکل آنکولوجی میں شائع شدہ مطالعات کے مطابق جو مریض آنتوں کے کینسر کی تشخیص کے بعد بھی معتدل تا بھرپور ورزش کرتے ہیں، ان میں کینسر کے دوبارہ ہونے اور موت کا خطرہ 30–40٪ تک کم ہو جاتا ہے۔
🏃♂️ ورزش کیسے فائدہ دیتی ہے؟
ورزش انسولین لیول متوازن رکھتی ہے۔ کیونکہ انسولین کی کمی یا زیادتی کینسر کو فروغ دے سکتی ہے۔
اسی طرح ورزش سوزش میں کمی کا باعث بنتی ہے جو بدلے میں کینسر کی افزائش کو روکتی ہے۔
ورزش سے آنتوں کی حرکت (Peristalsis) بہتر ہوتی ہے۔ فضلہ جلد خارج ہوتا ہے، ٹاکسنز آنتوں میں کم وقت رہتے ہیں۔
ورزش سے وزن قابو میں رہتا ہے اور موٹاپا کینسر کا بڑا خطرہ ہے۔ مدافعتی نظام مضبوط ہوتا ہے اور جسم بہتر انداز میں کینسر خلیوں کا مقابلہ کرتا ہے۔
