اورنگی ٹاؤن میں دکان کے اندر کمپریسر زور دار دھماکے سے پھٹ گیا جس کے نتیجے میں دو افراد زخمی ہوگئے جنہیں چھیپا کے رضا کاروں نے فوری طبی امداد کے لیے عباسی شہید اسپتال منتقل کر دیا۔
ایس ایچ او مومن آباد معراج انور نے بتایا کہ زخمیوں کی شناخت 50 سالہ انور اور 40 سالہ نعیم کے نام سے کی گئی جبکہ واقعہ اورنگی ٹاؤن دس نمبر منگل بازار کے قریب قائم فریج کی دکان میں اس وقت پیش آیا جب کمپریسر کو کاٹا جا رہا تھا۔
اس دوران کمپریسر دھماکے سے پھٹ گیا جس کے ٹکڑے لگنے سے دو افراد زخمی ہوئے تاہم ان کی حالت خطرے سے باہر بتائی جاتی ہے جبکہ پولیس اس حوالے سے مزید چھان بین کر رہی ہے۔
