راولپنڈی:
یکم جون کو سیالکوٹ سمبڑیال میں حلقہ پی پی 52 میں ہونے والے ضمنی الیکشن میں مسلم لیگ ن اور پیپلز پارٹی نے 8 فروری 2024 جنرل الیکشن سے زیادہ پی ٹی آئی نے کم ووٹ حاصل کیے.
تفصیلات کے مطابق الیکشن کمیشن کے فارم 47 میں مرتب کیے گئے الیکشن نتائج کے مطابق مسلم لیگ ن کی امیدوار حنا ارشد وڑائچ نے 78702 ووٹ حاصل کیے جبکہ 8 فروری کے الیکشن میں ان کے والد ارشد وڑائچ نے 58 ہزار سے زائد ووٹ حاصل کیے تھے.
اس طرح مسلم لیگ ن کے ووٹوں میں 20 ہزار ووٹ کا اضافہ ہوا اب ضمنی الیکشن میں دوسرے نمبر پر آنے والے پی ٹی آئی حمایت یافتہ آزاد امیدوار فا خر نشاط گھمن نے 39018 ووٹ حاصل کیے جبکہ اسی امیدوار نے 8 فروری کے الیکشن میں 49 ہزار سے زائد ووٹ حاصل کیے تھے۔
