مریخ پر پہلی بار آسمان میں سبز روشنی کا مشاہدہ

مریخ پر پہلی بار سبز روشنی (aurora) کا مشاہدہ کیا گیا ہے، جو ایک اہم سائنسی پیش رفت ہے۔

یہ روشنی کو ناسا کے پرسیورینس روور نے مریخ کی سطح سے ریکارڈ کی۔ یہ پہلا موقع ہے جب مریخ پر کسی اورا کو انسانی آنکھ سے دیکھے جانے والی روشنی میں دیکھا گیا ہے۔

یہ سبز روشنی سورج سے آنے والے طاقتور شمسی طوفان (solar flare) اور کرونل ماس ایجیکشن (CME) کے نتیجے میں پیدا ہوئی۔ ان شمسی ذرات نے مریخ کے ماحول میں موجود آکسیجن کے ساتھ تعامل کیا، جس سے سبز روشنی خارج ہوئی۔

یہ عمل زمین پر اورا کی تشکیل سے مشابہ ہے تاہم مریخ پر عالمی مقناطیسی میدان کی عدم موجودگی کی وجہ سے یہ روشنی پورے سیارے پر پھیل سکتی ہے، نہ کہ صرف قطبی علاقوں تک محدود رہتی ہے۔

پرسیورینس روور نے اپنے سپر کیمرے اور جدید آلات کی مدد سے اس روشنی کو ریکارڈ کیا۔

اگرچہ یہ روشنی انسانی آنکھ سے براہ راست دیکھنے کے لیے بہت مدھم تھی، لیکن کیمروں نے اسے واضح طور پر ریکارڈ کیا۔ یہ دریافت "Science Advances" جریدے میں شائع ہوئی ہے۔